سابق وزیر بلدیات سندھ جام خان شورو کے وارنٹ گرفتاری جاری

 اسلام آباد /  کراچی: نیب نے سابق وزیر بلدیات سندھ جام خان شورو کے وارنٹ گرفتاری جاری کر دیے۔

ایکسپریس نیوز کے مطابق نیب نے سندھ کے سابق وزیر بلدیات جام خان شورو کے وارنٹ گرفتاری جاری کر دیے جس کے بعد نیب کی ٹیم جام خان شورو کی گرفتار کے لیے روانہ کر دی گئی ہے۔ ترجمان نیب کے مطابق جام خان شورو پر لوکل گورنمنٹ میں کرپشن کے الزام ہیں۔

دوسری جانب  جام خان شورو نے حفاظتی ضمانت کے لیے سندھ ہائی کورٹ سے رجوع کرلیا ہے۔  ایکسپریس نیوز سے گفتگو کے دوران جام خان شورو نے کہا کہ میں کہیں روپوش نہیں ہوا، میرا دامن صاف ہے، میں نے کوئی کرپشن نہیں کی، قانونی چارہ جوئی کے لیے اپنے وکلا سے مشاورت کررہا ہوں۔

اس خبر کو بھی پڑھیں : کرپشن ریفرنس میں شرجیل میمن سمیت 12 ملزمان پر فرد جرم عائد

واضح رہے کہ محکمہ اطلاعات میں پونے 6 ارب روپے کرپشن ریفرنس میں پیپلز پارٹی کے رہنما شرجیل میمن اور 460 ارب سے زائد کی کرپشن کے الزام میں ڈاکٹر عاصم کے خلاف احتساب عدالت میں نیب ریفرنسز کی سماعت جاری ہے جب کہ منی لانڈرنگ کیس میں آصف زرداری کے دیرینہ ساتھی حسین لوائی اور انور مجید بھی ایف آئی اے کی تحویل میں ہیں، ان پر 35 ارب روپے کی منی لانڈرنگ کا الزام ہے۔

The post سابق وزیر بلدیات سندھ جام خان شورو کے وارنٹ گرفتاری جاری appeared first on ایکسپریس اردو.

from ایکسپریس اردو https://ift.tt/2PDIn7J
via IFTTT