انڈونیشیا میں لائیو کنسرٹ کے دوران سونامی کی تباہی کی ویڈیو وائرل

جکارتہ: انڈونیشیا کے متعدد ساحلی علاقوں میں خوفناک سونامی طوفان نے تباہی مچادی جس کے نتیجے میں 168 افراد ہلاک اور سیکڑوں زخمی ہیں۔

آبنائے سندا میں آتش فشاں پھٹنے کے بعد بڑی بڑی چٹانیں سمندر میں گرنے سے سونامی کی لہریں پیدا ہوئیں جنہوں نے اپنے سامنے آنے والی ہر شے کو تہس نہس کردیا۔ انٹرنیٹ پر انڈونیشیا کے وفان کی ویڈیو وائرل ہوگئی ہے جس میں مقامی پاپ بینڈ کے لائیو کنسرٹ کے دوران لوگ موسیقی اور راگ رنگ میں مصروف تھے کہ اچانک طوفانی لہروں نے انہیں خاموشی سے بے خبری میں آدبوچا۔

Shocking video from #Tsunami hit #Indonesia
pic.twitter.com/Dd9ZRWWcFG

— Alhinish (@alhinish) December 23, 2018

تیز موسیقی کے شور میں لوگوں کو خبر ہی نہیں کہ کون سا طوفان ان کے سروں پر منڈلا رہا ہے۔ پاپ موسیقار اسٹیج پر اپنے فن کا مظاہرہ کررہا تھا کہ اچانک لائٹیں جلنے بجھنے لگیں، پھر یکدم اسٹیج نیچے گرا جہاں پیچھے خوفناک طوفانی لہروں نے منٹوں میں پورے موسیقی کے میلے کو اپنی لپیٹ میں لیا۔ پھر ہر طرف افراتفری کے مناظر دیکھنے میں آئے اور لوگوں نے اپنی جانیں بچانے کے لیے محفوظ مقامات کی طرف دوڑ لگائی۔ مقامی میڈیا کے مطابق مقامی پاپ بینڈ کے تمام فن کار لاپتہ ہوگئے ہیں جن کی تلاش جاری ہے۔

This (awful) video shows the Indonesian band Seventeen in concert at the Tanjung Lesung beach in Banten – until the tsunami struck. It has been widely shared online. The band’s bass player and road manager are dead, three other band members and the singer’s wife are missing pic.twitter.com/Yejoq8D4zG

— James Massola (@jamesmassola) December 23, 2018

The post انڈونیشیا میں لائیو کنسرٹ کے دوران سونامی کی تباہی کی ویڈیو وائرل appeared first on ایکسپریس اردو.

from ایکسپریس اردو http://bit.ly/2QLzD48
via IFTTT