Friday, 23 February 2018

پاکستان نے کئی اقتصادی مسائل پر قابو پالیا ہے، وزیراعظم

ترکمانستان: وزیراعظم شاہد خاقان عباسی کا کہنا ہے کہ پاکستان نے کئی اقتصادی چیلنجوں پر قابو پالیا ہے جب کہ تاپی منصوبے سے خطے میں خوشحالی آئےگی۔

ترکمانستان کے شہر سرحت آبات میں تاپی گیس پائپ لائن منصوبے کی افتتاحی تقریب منعقد ہوئی جس میں ترکمانستان کے صدر قربان علی بردی محمدوف اور افغان صدر اشرف غنی سمیت بھارتی وزیر مملکت برائے خارجہ نے بھی شرکت کی۔ اس موقع پر خطاب میں وزیراعظم شاہد خاقان عباسی کا کہنا تھا کہ پاکستان نے بہت سے اقتصادی چیلنجوں پر قابو پالیاہے، تاپی منصوبے سے خطے میں خوشحالی آئے گی، منصوبے کو حقیقت میں بدلنے پر تاپی ممالک کے شکرگزار ہیں، منصوبے سے توانائی کی بڑھتی ضروریات پوری ہوں گی، خطے کے قدیم روابط بحال ہونےکا یہ تاریخی موقع ہے۔

وزیراعظم کا کہنا تھا کہ ہم نے ملک میں گیس کی کمی پر قابو پایا،  پاکستان دنیا بھر کے تاجروں کو سرمایہ کاری کے مواقع فراہم کررہا ہے۔

سرکاری خبر رساں ادارے کے مطابق اس سے قبل وزیراعظم شاہدخاقان عباسی نے ترکمانستان کے صدر قربان علی بردی محمدوف سے ملاقات کی جس میں دونوں رہنماؤں نے توانائی، تجارت اور راہداری کے حوالے سے تاپی گیس منصوبے کی اہمیت کو اجاگر کیا اورعلاقائی سلامتی سمیت باہمی دلچسپی کے امورپر مفید بات چیت کی گئی۔

 

The post پاکستان نے کئی اقتصادی مسائل پر قابو پالیا ہے، وزیراعظم appeared first on ایکسپریس اردو.



from ایکسپریس اردو http://ift.tt/2CDL0z8
via IFTTT

Related Posts:

0 comments:

Post a Comment

Note: only a member of this blog may post a comment.