کراچی: شہر قائد میں سال کا گرم ترین دن ہے اور دن بارہ بجے ہی درجہ حرارت 41 ڈگری تک جاپہنچا ہے۔
ایکسپریس نیوز کے مطابق سندھ اور بلوچستان میں شدید گرمی کی لہر برقرار ہے، کئی علاقوں میں دن 12 بجے ہی درجہ حرارت 41 ڈگری سے تجاوز کرگیا ہے۔
کراچی میں بھی سال کا گرم ترین دن ہے۔ دن 12 بجے درجہ حرارت 41 ڈگری تک جا پہنچا ہے جب کہ ہوامیں نمی کا تناسب 10 فیصدہے، سمندری ہواؤں کی بندش اور دیگر عوامل کے گرمی کی شدت 43 ڈگری محسوس کی جارہی ہے، شدید گرمی ، پانی کی بندش اور کے الیکٹرک کی جانب سے فنی خرابیوں کے نام پر طویل غیر اعلانیہ لوڈ شیڈنگ نے رمضان المبارک کے ابتدائی ایام میں لوگوں کی مشکلات بڑھا دی ہیں۔
محکمہ موسمیات نے ہفتے کے روز درجہ حرارت 43 ڈگری تک تجاوز کرنے کی پیش گوئی ہے جب کہ گرمی کی شدت مزید 5 روز تک برقرار رہے گی اور درجہ حرارت 40 ڈگری تک رہے گا۔
صوبائی حکومت نے صورت حال سے نمٹنے کے لیے کراچی کی مقامی انتظامیہ کو خصوصی ہدایات جاری کررکھی ہیں، کسی بھی ناخوشگوار صورت حال سے نمٹنے کے لیے شہر کے سرکاری اسپتالوں میں ایمرجنسی نافذ ہے۔
واضح رہے کہ 2015 میں بھی رمضان المبارک کے دوران شدید گرمی کی لہر آئی تھی جس کی زد میں آکر کم از کم 1600 افراد لقمہ اجل بن گئے تھے۔
The post کراچی میں سال کا گرم ترین دن، ہیٹ انڈیکس 43 ڈگری تک جاپہنچا appeared first on ایکسپریس اردو.
from ایکسپریس اردو https://ift.tt/2wUDNx2
via IFTTT
0 comments:
Post a Comment
Note: only a member of this blog may post a comment.