نگراں وزیراعظم کیلیے وزیراعظم اور قائد حزب اختلاف کے درمیان ملاقات

 اسلام آباد: نگراں وزیراعظم کے معاملے پر مشاورت کے لیے وزیراعظم شاہد خاقان عباسی اور اپوزیشن لیڈر خورشید شاہ کے درمیان ملاقات جاری ہے۔

وزیراعظم شاہدخاقان عباسی اور اپوزیشن لیڈر خورشیدشاہ کے درمیان نگران وزیر اعظم کے معاملے پر اہم ملاقات جاری ہے جس میں نگران وزیراعظم کے نام پر اتفاق رائے کی کوشش کی جائے گی، پیپلزپارٹی کی جانب سے سابق چیئرمین پی سی بی ذکا اشرف اور سابق سیکریٹری خارجہ جلیل عباس جیلانی کے نام تجویز کیے گئے ہیں جب کہ تحریک انصاف کی جانب سے سابق چیف جسٹس تصدق حسین جیلانی، عبدالرزاق داؤد اور سابق گورنر اسٹیٹ بینک ڈاکٹر عشرت حسین کے نام تجویزکیے گئے ہیں۔

خورشید شاہ کا کہنا ہے کہ امید ہے نگراں وزیراعظم کے نام پر آج فیصلہ کرلیں گے جب کہ دوسری جانب ترجمان تحریک انصاف فواد چوہدری نے پیپلزپارٹی کے تجویز کردہ نام مسترد کرتے ہوئے کہا ہے کہ ذکاء اشرف، آصف زرداری کے مین ڈونر اور مرکزی مجلس عاملہ کے ممبر ہیں لہذا ذکاء اشرف کا نام مسترد کرتے ہیں جب کہ جلیل عباس جیلانی کے نام پر ہمیں زیادہ خدشات نہیں۔

The post نگراں وزیراعظم کیلیے وزیراعظم اور قائد حزب اختلاف کے درمیان ملاقات appeared first on ایکسپریس اردو.

from ایکسپریس اردو https://ift.tt/2J1bqCb
via IFTTT