کراچی: سندھ ہائیکورٹ نے بون میرو میں مبتلا شہری کے علاج کی رقم سے متعلق دائر درخواست پر صوبائی حکومت کو ایک ہفتے میں عبید رضا کے علاج کے لیے 44 لاکھ روپے دینے کی ہدایت کردی۔
جسٹس محمد علی مظہر کی سر براہی میں 2 رکنی بینچ نے بون میرو میں مبتلا عبید رضاکے علاج کی رقم سے متعلق امجد علی کی درخواست کی سماعت ہوئی، سماعت پر ایڈیشنل سیکریٹری صحت نے پیش ہوکر عدالت کو بتایا کہ رقم کے اجرا کے لیے سمری وزیر اعلیٰ سندھ کو ارسال کردی گئی ہے، عدالت نے صوبائی حکومت کو ایک ہفتے میں شہری عبید رضا کے علاج کے لیے 44 لاکھ روپے دینے کی ہدایت کردی۔
درخواست گزار نے عثمان فاروق ایڈووکیٹ کے توسط سے دائر درخواست میں موقف اختیار کیا تھا کہ ان کے موکل کا 16 سالہ بھائی عبید رضا بون میر وجیسی خطرناک بیماری میں مبتلا ہے اور حکومت نے 22 نومبر کو علاج کے لیے 36 لاکھ روپے کی منظوری دی تھی تاہم ایڈیشنل چیف سیکریٹری صحت منظوری باوجود رقم جاری نہیں کررہے جس کے باعث ان کے موکل کے بھائی کی جان خطرے میں ہیں۔
The post سندھ ہائیکورٹ کی شہری کوعلاج کیلیے 44 لاکھ دینے کی ہدایت appeared first on ایکسپریس اردو.
from ایکسپریس اردو http://bit.ly/2V5jIfI
via IFTTT
0 comments:
Post a Comment
Note: only a member of this blog may post a comment.