امریکا اور اسرائیل یونیسکو کی رکنیت سے باضابطہ طور پر علیحدہ

نیویارک: اسرائیل مخالف تعصب کو فروغ دینے کا الزام لگا کر امریکا اور اسرائیل نے اقوام متحدہ کے ادارے یونیسکو کی رکنیت سے باضابطہ طور پر علیحدگی اختیار کرلی۔

امریکا اور اسرائیل نے اقوام متحدہ کے ادارہ برائے  تعلیم، سائنس اور ثقافت  ‘یونیسکو’ کی رکنیت سے باضابطہ طور پر علیحدگی اختیار کرلی، دونوں ملکوں کو تحفظات تھے کہ یونیسکو اسرائیل مخالف تعصب کو فروغ دے رہا ہے۔ اسرائیل اور امریکا کی جانب سے 2017 میں ادارے کی رکنیت چھوڑنے کا اعلان کیا گیا تھا تاہم اب دونوں ممالک کی جانب سے باضابطہ طور پر یونیسکو کی رکنیت سے علیحدگی اختیار کرلی گئی ہے۔

اس خبر کو بھی پڑھیں : اسرائیل مخالف ہونے کا الزام لگا کر امریکا یونیسکو کی رکنیت سے دستبردار

واضح رہے کہ 2011 میں جب یونیسکو کی طرف سے مقبوضہ بیت المقدس میں قدیم یہودی مقامات کو فلسطینیوں کا ثقافتی ورثہ قرار دے کر فلسطین کو مکمل رکنیت دی گئی تو اس فیصلے کے بعد امریکا اور اسرائیل نے یونیسکو کو فنڈز کی فراہمی بھی روک دی تھی۔

The post امریکا اور اسرائیل یونیسکو کی رکنیت سے باضابطہ طور پر علیحدہ appeared first on ایکسپریس اردو.

from ایکسپریس اردو http://bit.ly/2QjKAFb
via IFTTT