ملتان میٹرو شریفوں کی تجوریاں بھرنے کے لئے بنائی گئی، عمران خان

بنی گالہ: پاکستان تحریک انصاف کے چیئرمین عمران خان نے کہا ہے کہ دیگر منصوبوں کی طرح ملتان میٹرو بھی کمیشن کے پیسے سے شریفوں کی تجوریاں بھرنے کے لئے بنائی گئی۔

سماجی رابطے کی ویب سائیٹ ٹوئٹر پر اظہار خیال کرتے ہوئے عمران خان نے کہا کہ ملتان میٹرو منصوبے کے حوالے سے جس حقیقت کا میں نے مشاہدہ کیا اور ملتان کے باسیوں نے اس کی تصدیق بھی کی کہ اس منصوبے کا مقصد عوام کو سہولت پہنچانا نہیں تھا، بلکہ دیگر منصوبوں کی طرح ملتان میٹرو بھی کمیشن کے پیسے سے شریفوں کی تجوریاں بھرنے کے لئے بنائی گئی۔

What I also saw and what was confirmed to me by the people of Multan yesterday was the fact that the Multan Metro project, like the other Metros, was to enrich the Sharifs through huge kickbacks rather than for the benefit of the people of Multan. https://t.co/iUk9LRmOHL

— Imran Khan (@ImranKhanPTI) March 16, 2018

واضح رہے کہ عمران خان نے گزشتہ روز ملتان میں پارٹی رکنیت سازی مہم میں حصہ لیا تھا، اس دوران انہوں نے ٹوئٹ میں کہا تھا کہ دورہ ملتان کے دوران  میٹرو کی صورت میں سفید ہاتھی میری نگاہوں کے سامنے رہا۔ میٹرو میں ہمیں بسیں دکھائی دیں نہ ہی قابل ذکر مسافر۔ اسے زندہ رکھنے کے لئے بھی بڑی سبسڈی درکار ہے۔ عوام کی بجائے بلاشبہ یہ منصوبہ بیرون ملک تجوریوں میں کمیشن منتقل کرنے کیلئے بنایا گیا۔

As I went around our membership camps in Multan city today I realised what a white elephant the Multan Metro is – hardly any buses & even fewer passengers. The project will need major subsidies to survive. Clear the project was for kickbacks going into offshore accts not for ppl.

— Imran Khan (@ImranKhanPTI) March 15, 2018

The post ملتان میٹرو شریفوں کی تجوریاں بھرنے کے لئے بنائی گئی، عمران خان appeared first on ایکسپریس اردو.

from ایکسپریس اردو http://ift.tt/2GBAxIg
via IFTTT