نیب ریفرنس؛ نواز شریف کے وکیل کی جرح پر نیب پراسکیوٹر کا اعتراض

 اسلام آباد: احتساب عدالت میں شریف خاندان کے خلاف نیب ریفرنس کی سماعت جاری ہے جس میں جج احتساب عدالت نے نواز شریف کے وکیل کو آج جرح مکمل کرنے کی ہدایت کی ہے۔

احتساب عدالت کے جج محمد بشیر کی سربراہی میں شریف خاندان کے خلاف ایون فیلڈ پراپرٹیز ریفرنس کی سماعت جاری ہے، اس موقع پر سابق وزیراعظم نواز شریف، صاحبزادی مریم نواز اور داماد کیپٹن صفدر بھی عدالت میں پیش ہوئے۔

سماعت کے دوران نواز شریف کے وکیل خواجہ حارث نے گواہ واجد ضیاء کے بیان پر جرح رکھا جس پر نیب پراسکیوٹر سردار مظفر نے کہا کہ خواجہ حارث گزشتہ 3 دن سے تسلیم شدہ حقائق پر جرح کر رہے ہیں، کیپٹل ایف زیڈ ای کی چیئرمین شپ، اقامہ تسلیم کر چکے ہیں اور سلیری کے حوالے سے ملزمان کا موقف ہے کہ وصول نہیں کی، سپریم کورٹ میں بیان دے چکے ہیں کہ 2006 میں چیئرمین رہے لہذا وکیل صفائی تسلیم شدہ دستاویزات پر جرح نہیں کر سکتے۔

خواجہ حارث نے دلائل میں کہا کہ واجد ضیاء نے کیپٹل ایف زیڈ ای کے حوالے سے احتساب عدالت میں بیان قلمبند کروایا اور کیپٹل ایف زیڈ ای کی دستاویزات کو عدالت میں ثبوت کے طور پر پیش کیا جب کہ ہم نے اقامہ کو کبھی نہیں جھٹلایا، میں نے کب کہا کہ اقامہ جعلی ہے جس پر جج محمد بشیر نے کہا کہ آپ جرح کریں لیکن مختصر کریں۔

The post نیب ریفرنس؛ نواز شریف کے وکیل کی جرح پر نیب پراسکیوٹر کا اعتراض appeared first on ایکسپریس اردو.

from ایکسپریس اردو https://ift.tt/2Ez0TYC
via IFTTT